Khawi hmun ah pawh, khuarel chhiatna leh harsatna dang a thlenin, a nghawng hriattur zing ah thilman sang hi a nifo thin a, mipuiin harsatna an tawhloh nan thilman sangtur ven hna chu nasa taka thawh a ni thin.
Hripui len hma atang daih tawhin, Lawngtlai ah hian thilman a sang bik deuh niin sawi a ni thin a, sumdawngten a man an bithliah miau chuan, mipui lam tan lei loh theih a ni bawk silova, thilman sangtur ven hna hi a bikin Dawrkai tamna Veng, Bazar veng YLA te phei chuan an lo thawk nasa viau tawh a ni.
Hripui a leng a, bungrua duh ang zat leh an duh zawng te sumdawng ten an lalut zung zung thei tawh lova, heihian, engemaw chen chu thilman pangngai thin kha a nghawng buai lo thei lova, a ngaimawhawm lai chu, thil inang reng, in to hleih angte hriattur a awm thin hi a ni.
Hetiang hun bik ah hian khawpui engemawzat ah chuan Sorkar hmalakna piahlam ah Sumdawng pawl intelkhawm te hian hma an la thin a, Lawngtlai ah hian hripui a len hnu hian, Sumdawng pawl te thawmri a zawi viau a, anni hi thilman sang ringawt piahlam ah, a san chhan thleng a mipui hnen ah thilawmzia puangchhuak tur a beisei an ni.
Thilman sang hrim hrim hi mipui ten an ngaimawh lianber niin a lang lova, a chhan chiang takin hria se, to bik a an hriatna a ziaawm in a rinawm.