Vanneihthlak takin Lawngtlai District a hrikai te hi chhuizui vak ngai an la awmlova, hrihi mipui ah a la darh lo niin a ngaihtheih a ni.
Hetihlaihian Aizawl lam ah hri hi mipui lam ah a darh chhotan a ngaihtheih a ni a, heivang hian, vawiin atangin Lawngtlai atanga Maxicab service te pawh tihtawp lailawk a ni dawn a, Maxicab neitu leh khalhtute fimkhurna hi a ropui khawp mai.
Maxicab service lo hian a hrinchhuah chu mipui chetvelna tlemtur hi a ni a, nghawng thatak a neih ngei ngei a beiseiawm khawp mai.
Hetiang a fimkhur theihdan kawng hrang hrang a kalpui chhoh a nih mek lai hian, a nawlpuiin, khawpui chhung a mipui chetvelna erawh, hrilen hma nen danglamna a awm lemlovin a hriat a, zanlam, mipui chetvelna hrim hrim tlem hnu ah curfew puan a ni lawi a, mipui chetvelna hi awmzenei a tihtlem hret hi a pawimawh viauin a hriat a ni.
Khawpui chhung ah, hrilaka invenna te hridarh tur laka tihtur te chu hmaituam bak kalpui hleihtheih a nilova, inkarhlat a awmtur a tih te chu, zawmduh pawh awmse, midangin an ngaihpawimawh miauloh vangin awmzia a neihleithei lova, khawpui dinhmunin a zirlo bawk nen, tuna Lawngtlai khawpui a mipui chetvelna tam lutuk hi chuan, nakin lawka inchhirna a thlen ang tih a hlauhthawnawm in a hriat a ni.
Tags
Editorial