Lawngtlai DC, Dr Andrew H. Vanlaldika, hovin a office chamber-ah District Transport Officer leh Mizoram Maxi Cab Owners' Association (MMCOA) District Headquarters Lawngtlai hruaitute nimin
khan Maxicab Service chungchang an sawiho. DC hova inhmukhawm hian, vawiin, August ni 26 atanga ni 29, 2020 chhungin Lawngtlai atanga Aizawl leh Chawngte-a tlan thin maxi cab (sumo)-te an service an chawl rih tur a tih a ni a. A tul dan azirin service dan chungchang hi sawi ho leh tur a ni ang. Tul bik thila service ngai an awm a nih chuan MMCOA, District Headquarters Lawngtlai hriatpuina nen Deputy Commissioner office atanga phalna lain an service thei ang.
Lawngtlai District chhung a Maxicab service zawng zawngte'n an passenger list tha takin an nei thin tur a ni a. Hming, address leh phone number te chiang takin an chhinchhiah thin ang a, hri inkaidarh theihna laka invenna, mask vuah, kut sil, te chu Driver leh Passenger te chu thataka zawm tur a tih an ni bawk.
