Ngengpuitlang khawmi, Bangladesh atanga rawn haw chungchang DC in a sawifiah

          Tunhnai a Lawngtlai District chhung, Ngengpuitlang khaw mi, Bangladesh atanga ramri kan a rawn haw te chungchang ah nimin khan Lawngtlai DC Dr. Andrew H.Vanlaldika chuan thilawmdan, Chanchinbumite a hrilhfiah.

   

         Ngengpuitlang khawmi Pu Vannunnuama nupui leh a fate mi panga   chu kumin January 23 khan Saizam khua Bangladesh ah chungkaw thil ah an zin a, July ni 16 khan dan lovin ramri kanin Lawngtlai District Chhippui khua atangin Maxicab in Ngengpuitlang an pan a, Ngengpuitlang an thlenin, VLTF te chuan lo khunghrang nghalin, nimin khan Incident Commander Pu Lalremruata Sailo chuan Lawngtlai Police Station ah FIR a thehlut nghal a ni.

         Lawngtlai DC chuan ramri kan phal a nihloh lai a ramri an kan chungchang ah BSF hotute bepawpin, thilawmdan a  zawtfiah nghal a, ramri chu khauh zawk a vengturin a hriattir nghal a, a ruk a ramri kantute pawh dan angin an chungah hremna lek a nih tur thu Chanchinbumite a hrilh a, heng Bangladesh atanga rawn haw te dinhmun leh enkawlzui an nihdan ah mipui tan chiaina tur a awm lo tih a sawi.

         Chief Medical Officer Dr.Lalthlamuana chuan Ngengpuitlang mi, Pu Vannunnuama leh a chhungte mi paruk bakah Maxicab Driver leh a chhungte mi paruk chu an mahni In ah khunghran nghal vek an nih thu leh, an hriselna a that thu a sawi a, tunkar Ningani hian an Sample laksak an nihtur thu a sawi a, an chhuizuina ah Bangladesh a an va zinna Saizam khua hi hrilak ah an fihlim ni a an hriatthu  a sawi.

     

           

             Bangladesh atanga rawn haw te hian ramri atanga an va zinna Kilometre 150 Saizam khua atanga ke a an rawn haw thu leh, ramri chu a rukin an kan tih Incident Commander Pu Lalremruata Sailo chuan  DC in Lawngtlai a Chanchinbumite a kawmna ah hian a sawi.