Editorial | HNAM ZIA TIDAL TU SOCIAL MEDIA

       Mizote hi Pi leh Pu hun atangin, hnam hawihhawm, aia upa zahtak, mipawisawi hlau, mahni hmasial ngailo hnam anga sawi a ni thin a, he Zonunzemawi hi engemawzat chu a bopil mek a, chawinung tura hmalakna pawh hriattur a awm fo thin.

      Khawvel hmasawnna chuan Social Media a rawn herchhuahpui a, mitin maiin, Smartphone hmangin, kan duh duh kan sawithei a, heitak hian hnamze mawi tak chu a tidalin, a tichhe mek tih erawh thlir a ngaihtuah duh erawh an tam silo.

       Social media atangin, aia upa zahna a bova, hruaitu leh hotute mitmei venna a thlahniam a, mahni mihringpuite zahderna  a bo tial tial a, midang nen inkungkaihna a tlahniam a, mahni awmhmun ah mifing a inngai engemawzat a chherchhuak mek. Smart phone hum chhungin, an tawngkamchhuak erawh a smart lo tulh tulh a ni ber mai. 

       

        Henghi engtia do chi nge ni ta angle, Social media hman hi chhungkua atanga Pulpit tlang thleng a inzirtir ngai a ni tih pawm ila, Smartphone hum zawng zawng hian chhia leh tha an thlir thiamlo tih pawh pawm tel ila, keimahni lam talin Social Media hi a thazawng a hman tum theuh ila, chu aia hmalakna hlawk a awmin a rinawm loh.