DC leh Council Officer te an inkawm

        Nimin khan Lawngtlai District TB (Tuberculosis) Forum  chu an Chairman, DC, Dr Andrew H. Vanlaldika, hovin  DC Conference Hall-ah an thu khawm.

 
       Dr Andrew H. Vanlaldika chuan hmanlai chuan TB chu natna tihdam theih loh, thihpui ngei ngei tura ngaih a ni thin a, tunah erawh TB chu a hun taka a dan dik taka enkawl chuan thihpui loh tura ngaih a ni tawh tih sawiin, Lawngtlai District-ah TB vanga thi an awm loh nan a thawktute bakah, tlawmngai pawl leh mipuite tan rual a pawimawh hle tih a sawi a. Zau zawka TB chungchang inzirtir a, khawtlanga TB veite thinhrikna awm thin te pawh tibo tura hma lak a tul hle a ni, a ti.

       Lawngtlai District-ah TB vei hmuh chhuah kum 2015-ah mi 98, kum 2016-ah mi 95, kum 2017-ah mi 102, kum 2018-ah mi 133, kum 2019-ah mi 121 leh kum 2020 June thla thlengin mi 50 an awm a. Kum 2015-ah enkawl dam mi 118 leh thihpui mi 4, kum 2016-ah enkawl dam mi 101 leh thihpui mi 3, kum 2017-ah enkawl dam mi 99 leh thihpui mi 5, kum 2018-ah enkawl dam mi 92 leh thihpui mi 1, kum 2019-ah enkawl dam mi 141 leh thihpui mi 1, kum 2020 June thla thlengin enkawl dam mi 63 leh thihpui mi 3 an awm a ni.