Covid 19 vangin Lawngtlai ah khunghranlai mi 118 an awm mek

       Lawngtlai District-ah nimin tlai dar 5 thleng khan Covid 19 vanga khung hran mek mi 118 an awm 

        

        Lawngtlai District mi leh sa state pawn atanga lo haw, government quarantine facility leh home quarantine-a khung hran mek zat chu nimin  tlai dar 5:00 thleng khan mi 118   a ni a. COVID-19 positive     mi 13 te chu Lawngtlai Covid Care Centre (CCC)-ah an hriselna dinhmun vil reng a ni a, ngaihtuahawm an awm lo.

       Nimin khan state pawn atanga lo haw mi 5 lo thlen belhin, Medical Quarters-ah mi 4 leh Tourist Lodge-ah mi 1 dah an ni a. Tourist Lodge atangin khung hran hun bi hmang zo va, RT-PCR test-a negative mi 6 chhuahtir an ni thung.

       Nizan hmasa khan Lawngtlai District atanga swab sample thawn 27 chu Zoram Medical College (ZMC)-ah RT-PCR test tih niin, a negative vek. 

      Nimin khan sample 30 thawn belh leh niin, he'ng zingah hian positive lai mi 13 te sample pawh a tel.

       Hetihian Lawngtlai District atanga ZMC-a  RT-PCR test tura sample thawn tawh zawng zawng hi 1107 niin, result nghah mek 30 a awm a. Result hriat tawh 1077 atanga positive case 21 hmuh chhuah tawhah dama chhuak 8 awm tawhin, tun dinhmunah positive case enkawl lai 13 a la awm mek a ni.