Tuipui Ferry kawng laih mek chu 2% vel thawh zawh a ni tawh.

              Tuipui Ferry paltlang a, Lawngtlai atanga Siaha panna kawng laihmek chu nimin khan MJA Lawngtlai District hruaitute chuan a hmun ah an en a, helai kawng hi laihtlang thuai a nih theih nan, an tihtheih ang chi ah, hnathawktute chu puih an inhuamthu an hrilh.

           Lawngtlai atanga Tui Ferry thleng, Kilometres 10 chu kawng awmsa laih zau ngailai lai zauvin, Blacktop tur a ni a, he lai kawng siam nan hian North East Special Infrastructure Development Scheme (NESIDS) atangin Cheng Nuai 2587 ruahman niin, Vinco Construction te chuan, nikum October thla atang khan hna hi an thawk tan a, Kilometres 3 vel an laih hnu ah, laih hmabak a ram   neitu te chuan zangnadawmna an hmuh hma chuan an ram chu laih an remtih loh vangin,  harsatna an tawk tan tih Vinco Construction lam chuan an sawi a, helai kawng siam nan a sum ruahman ah hian compansation tur ruahman tel a nih loh thu te, State Sorkar chuan a thlawn a miram laksak ngawt chu thil tihchi ah ngailovin, lawmthusawina atan pawisa hi pek turin ruahmanna an siam mek tih helai kawng viltu PWD lam chuan an sawi a, tuna compansation phut vanga kawng laihhna duh anga thawhtheih loh pawh a fel thuai an beisei tih an sawi.

            Helai kawng Kilometres 10 a thui hi a Kawng chhuat Metres 7.5 a zau, Blacktop chin Metres 5.5 a zau, World Bank kawng ti a hriatlar, Aizawl leh Lunglei inkar kawngpui nen a inang, Intermidiate Lane tur a tih niin,  kum khat leh a chanve chhung a thawk zo tur a tih niin, tun dinhmun ah, hnathawhtur a ruahman atangin za a pahnih zawh tawh a ni.

           

Vinco Construction te hian kumtin a thal lai a helai kawngin Chhimtuipui a pawh na a Lei dawh thin chu kumin ah dawh a nih loh vangin, mipui leh khualzin tan an mahni sum sengin lei hi an dawh mek a, ni hnih khat hnu chuan lirthei ten an zawhtheihin peih hman an tum a, helai leidawh hi zawh fel a nih chuan, Lawngtlai leh Siaha inkar chu Kilometres 40 laiin a tawi phah dawn a ni.