Editorial | MEDIA THANNA HMANG TANGKAI ILA

Tunlai khawvel a Media thanna chuan hmun kilkhawr thlengin a khawrh chhuak a ni ber mai a, khawvel pang lehlam a thilthleng chu, a thlen lai la la in, thingtlang kilkhawr zawk a ngaih atang pawn hriat theih zung zung a ni ta. Media thanna hi a nasa takzet a, a lawmawm ngawt mai.

       Hetiang a media a than uak uak rual hian, a bikin Internet khawvel luhchilhtu, thalai te zing ah, rual awhna aiin, nawmsak bawl tumna te, inthlahdahna te a hluar chho mek a, an tana tangkaitur chhiar aiin, tangkaina nei lemlo a inhmabuai nileng mai mai hriattur an viau mai.

         Media thanna hi tangkaizawk in engtinnge kan hman ang tih hi, mutmawh hnar mawh a neih a hun tawh a, a hmangtangkai duh tan awlsam takin an tui zawng haichhuah zung zung leh biakrawntur an awm fer fur tawhna te hi hmasawn nan hmang turin inzirtirna hi nasa zawka kalpui a tul khawp mai.

         

         Mimal leh chhungkua, ram leh hnam tana a hnemhnan awm silo ah hian, midang ten hmasawnna kawng an zawh mup mup lai hian, kan lo inhambuai reng ang tih a hlauhthawnawm a, a bikin kan thalai ten Media thanna             nasa takhi tangkaizawka an hmanthiam phawt chuan, a hlawhtlinna hi ramin a tel nasa ngawtin a rinawm a ni.