Ram danpui siamthat tur ah Lairam hmasawnna tur rawtna thehluh a ni dawn

          India ram danpui siamtha a, Autonomous District Council te awmze nei zawka  an kaltheihna tur atan rawtna chungchang ah,  LADC  huamchhung a pawl hrang hrang thukhawm chuan thutlukna an siamfel tawh

   
       125th Constitution Amendment   chungchangah LADC  Chief Executive Member hovin kumhlui December atang khan Lairam chhunga Political Party leh NGO hrang hrang ten  Lairam leh Hnam tana tul leh pawimawhte telh ve a nih theih nan Parliamentary Standing Committee in a hrilhhriat angin  dan siamthat tumna awm a rawtna te, tum thum an thlir ho hnu ah, Zirtawpni tlai khan thutawp siamin, an thutlukna chu Parliamentary Standing Committee ah an thlen ang.

           Kar kalta Zirtawpni a thutkhawm hi CEM Conference Hall ah neih leh niin,  CEM PuT.Zakunga kaihhruaina hnuaiah Joint Meeting ah hian . LADC aiawhin Pu T.Zakunga CEM leh Pu Laltlawmlova Chinzah te an tel a.  India ram danpui siamthat tumna awm mek, The Constitution ( One Hundred and Twenty-Fifth Amendment ) Bill 2019 chhung a Article 275 leh Article 280 na  siamthat tumna ah  , Autonomous District Council ten awmze nei zawk a hma a sawn theih nan hnathawhna tur sum tam zawk hmuh a nih theih nan rawtna an siam a, heibak ah hian  Assam State a Autonomous District Council te anga Department lian zawk leh tam zawk, thu neihna sangzawk Autonomous District Council in a neihtheih nan te, Autonomous District Council chhunga Non Tribal te sumdawnna dan herdanglam te, Council ten Centrally Sponsored Schemes,  an enkawlna hnuai an kalpui  theih nan te  rawtna thlen an remti.

           Pu Laltlawmlova Chinzah, LADC a Executive Member in The Lawngtlai Post a hrilh dan chuan he 125th Constitution Amendment hi Parliament Budget Session 2020-21 chhung hian put luh  beisei a ni.