Ram Danpui siamthat tumna awmmek ah ADC ten rawtna an thlen

      The Constiturion (One Hundred and Twenty Fifth Amenment Bill) 2019 chungchang ah tunlai hian hmarchhak bial a Autonomous District Council te chu, India danpui siamthat tur ah rawtna an neihte Parliamentary Standing Committee ten an sawipui mek.

        Nimin khan Guwahati ah Mizoram a Autonomous District Council pathumte chuan Anand Sharma, Chairman, Parliamentary Standing Committee on Home Affairs hovin meeting an nei a, Lai,Mara leh Chakma Autonomous District Council aiawh te chuan  Article 275 leh Article 280 hnuai ah, District Council ten thuneihna sang zawk an neih a, hmasawnna pawh awmzenei zawk a thawh a nihtheih nan te, Department tamzawk leh lianzawk an enkawl theih nan te, kum 1998 a Non Tribal Trading Regulations hlihtawh neih letleh an duh thu te, Autonomous District Council humhim zel a nihtheih na tur a rawtna an neihte an thlen a..

        He hun a Lai Autonomous District Council aiawh a tel zing a mi, Pu Laltlawmlova Chinzah in, The Lawngtlai Post  a hrilh danin, LADC chuan, Mizoram a District Council ten duh thuhmun an thlen bak ah hian Scheduled Tribe list a Pawi tih chu Lai ti a thlak an duh thu an thlen tel a, heng an thuthlente hian ngaihven a hlawh in, Autonomous District Council tan awmze nei zawkin danpui siamthat tumna hi a kalngei an beisei tih a sawi.

         

             Parliamentary Standing Committee on Home Affairs  hian niminpiah khan Meghalaya State a Autonomous District Council te an lo kawm tawh a, nimin khan  Mizoram, Tripura leh Assam a Autonomous District Council aiawhte an kawm ve leh a, Mizoram a Autonomous District Council pathum atangin Sorkar aiawh bak ah Tlawmngaipawl leh Zirlaipawl aiawhte an tel a, Mizoram Sorkar aiawhin  Chief Secretary Pu Lalnunmawia Chuaungo  leh Pu Sangdingliana Secretary District Council & Minority Affairs te an tel.