Police te pawimawhzia hi sawinawn ngai a nilovang, Police tello hian ram leh khawtlang hi mumal takin a kalthei lova, englaipawh a venhim hna leh tanpui ngai tanpui hi an hna a nih miau vangin a hah pawh an hah hle a ni.
Nimin khan Mizoram a Police Station tha thlanchhuah hnen ah Home Minister in lawmman a hlan a, Lawngtlai Police Station chuan lawmman pahnihna a dawng nawlh mai.
Lawngtlai Police Station dinhmun hi a hrechiang tu deuh vek kan ni awm e, thawktu an indaih lo viau a, hmanrua an intodelhlo hle bawk, hemi piah lam ah thawktute chenna quarter pawh sakthat ngai deuh vek a ni. Hetiang teh nuai hi an dinhmun a nih laia lawmman pahnihna an dawng thei hi a mak tih mailoh chu sawitur a tam lo viau mai.
Lawngtlai Police te hi, thawktu an indaihlohna te, hmanrua an tlakchhamna te, an chenna quarters chhe tak tak te chuan an hna a tikhaihlak phah lova, an duty chu an hlen a, an tihtur a inchhawp chu an hlenchhuah thin vangin, hetiang lawmman hi dawngthei an ni tih a chiang a, an entawntlakin, fak an phu a, sorkar lam pawn a thuamthat deuh deuh a beiseiawm viauin a hriat a ni.
Tags
Editorial