NH-54 siamthat ah PWD in mawhphurhna an nei tawh lo

          National Highway-54, Aizawl leh Tuipang inkar chu Mizoram PWD ten National Highways and Infrastructure Development Corporation kut a an hlan tawh avangin, kawng chungchang ah hian Mizoram PWD ten mawhphurhna an nei lo  tih PWD   hotute chuan an sawi.

          National Higway 54 zauh hna thawhmek ah, Lawngtlai khawpui chhung chu hel tum a ni a, hetihlai hian Lawngtlai khawpui chhung a National Highway, chu    siamthat ngai a awm nual tawh avangin, tute mawhphurhna nge tih mipui ten an hriat mumalloh chungchang ah , The Lawngtlai Post zawhna chhangin, PWD Highway a Senior EE, Pu C.Lalhumhima chuan, Lawngtlai khawpui chhung chu hel   tumna an nei a nih pawhin, National Highway 54, Aizawl to Tuipang chu NHIDCL kut a awm a nih tawh vangin, PWD lam chuan mawhphurhna an nei lo tih sawiin, NHIDCL lam ten a enkawl chhunzawm hna chu an thawh tur a ni a ti a, Thingfai leh Tuipang inkar a kawng siamthatna tur atan NHIDCL lam chuan Tender tum hnih an chhuah tawh thu leh, chhangtu an la hmuhloh avangin kawng siamthat hna hi thawh hleihtheih a la nilo tih NHIDCL hotuten an sawi tih Sr.EE Pu C.Lalhumhima chuan a sawi.

       

               National Highway laihzauh hna thawk tur hian PWD chuan nikum November Ni-1 khan NHIDCL kut ah  an hlan fel a,   Lawngtlai khawpui chhung   bik chu PWD kut     a hlanlet a nih loh chuan PWD tan hmalak aa harsat deuh a rin thu Pu C.Lalhumhima hian a sawi a ni.