CEM in mipuite tawngtaiturin a sawm

  LADC a Chief Executive Member, Pu T.Zakunga chuan, LADC ah Congress Sorkar chu Pathian awmpuina avangin tluang takin a kalzel a, Sorkar tluang taka a kal chu ram himna a ni tiin ram mipuite chu             ram tana nasa   zawka tawngtai turin a sawm.

         Nimin a LADC Committee Office a Political Session neih ah, CEM Pu T.Zakunga chuan, LADC Sorkar chuan beihna nasatak tawk mahse, an lam a tang chu Pathian a nih avangin, Sorkar chu namthluk a ni lo tih sawiin, a kaihhruai Sorkar chuan ram mipuite chu a dah pawimawh hmasa zel dawn a ni a ti. CEM chuan tun hnai ah , LADC in sum a hmuh tur ang ang te Mizoram sorkar in a pe vek tih sawiin, State Sorkar chung ah lawmthu a sawi a, Central Sorkar atanga sum hmuh tur ang ang te pawh tunkar chho ah hian hmuh hman beisei a ni a ti bawk.

       Lai DCC Political Session ah hian Pu. Laltlawmlova Chinzah Executive Member chuan Parliamentary Standing Committee on Home Affairs Meeting Guwahati-a an neih report pe in, 6th Schedule Amendment Proposal Memorandum an thehluh thu a sawi a, he memorandum hi CEM T. Zakunga Chairman na hnuaiah Political Party hrang hrang, Tlawmngaipawl leh Kohhran te inrawnkhawmin ruahmanna an siam a nih thu a sawi bawk