Nimin khan Lawngtlai District MJA te chuan kumthar atan inhlantharna hun hmangin, Press Club hawnna an nei. Pu Lalngheta Ralte, Vice President in hawnna inkhawm hi kaihruaiin Pathian hnena lawmthu sawi tawngtaina Pu H.Lalrinmawia, Secretary in a nei.
Pu ZD.Dengngura President thusawina neiin Pathian khawngaihna avangin Kum 2019 chhungin member te lungrual takin, pheikhai rual takin ke kan pen a, thawhhona tha tak hnuaiah MJA Lawngtlai District ten nasa takin hmasawnna kan hmu a ni, a ti.
Pu Dengngura chuan, State leh District Council te nen pawh kan thawhhona a tha hle a. State sorkar hmalakna avangin Press tour te pawh kan kal thei kha a lawmawm tak zet a ni. Tin, kumin hian LADC sorkar hmalakna in Chin State ah MJA te Press tour nei tura ruahmanna a kal mek bawk a. Tin, District Council ah pawh Journalist Welfare Fund a awm ve ngei theihna turin District Council lama kan hotute kal tlangin ngaihtuahna an neih mek thu a tarlang bawk a. NGO te nen pawh thawhhona tha tak kan nei a, a lawmawm hle a ni ati
Tags
News