Kumthar kan lo chuangkai leh ta a, a hmasain kan chanchinbu min hlutsaktute kumthar chibai ule.
Kumthar ah rilru thar put a pawimawh zia hi tun ang hun a fuihna thu kan hriattam ber zing a mi hialin a rinawm a, hetichung hian kawng hrang hrang a hmasawn zel tur kan nih vangin kan infuih tawnna hian pawimawhloh hun a nei in a rinawmloh.
Ni a liam a, kar leh thla a liam a, kum a ral chho a, heihi leilung dan, Lalpan a duansa a ni, hetiang a Ni a chhuak a, a tlak reng lai hian nang lei kei hi he hmun ah hian kan kumhlun dawn miahlo. vannei vangin kan damkhua a lo sei deuh a nih pawhin, thlan mual a thlanlung ding fir fer zing ah hian kan hming hi a la chuang ngei dawn a, heihi kan duh emaw duhlo emaw mihringte tawhtur chu thihna a nih miau vangin pumpelh theih a nilo.
Kan damlai a kan nun hian kan thihhnu ah awmzia thuitak a neih lawisi vang hian, mitamtakten an damlai a thiltha tih uarin theihtawp an chhuah sauh sauh thin.
He ram hian nang leh kei lo chu tumah siamtha a, enkawltu a nei miahlo, kumthar ah hian rilru thar puin, kawng hrang hrang ah, kan theihna leh kan thiamna zawn theuh ah, he ram tan hian pen hnih khat talin hma la ila, chu ringawt pawh chuan awmzia a nei nasa ngawtin a rinawm. He ram in hlawkna a pek che i duh chuan, he ram tan hian kan thawh hmasak a tul tih hi i hre thar leh teh ang u.
Tags
Editorial