Bungtlang South khaw Tlangval, Lalrawnliana, tun Pathianni a Nghalimluia a ruang chhar chu misual kut tuar ngeia thi anih an rin avangin, nimin khan Bungtlang South khua thalai engemawzat chu ruang hmuhna hmun ah kalin, thil sual titu man chhuah an phut thu an aupui.
January ni 3, Zirtawpni atanga chin hriat loh a bo, Bungtlang South tlangval, Lalrawnliana, Pu A. Lalhmuaka fapa hi Nghalimlui leh Vaseikai inkar a Lui kamah Pathianni khan a ruang hmuh a ni a, hemi boruak kal zelah, Bungtlang South thalaiten nimin khan Nghalimlui khua hi panin, tualthattu manchhuah an duh thu leh an khaw tlangval thihna chu hriatthiam har an tih thu te, pawikhawhtu manchhuak thuai tur a sorkar an phutthute an aupui a, M.Kawnpui atangin thalai engemawzat in an tawiawm bawk
Addl. SP Pu C. Lalruatkima leh Police engemawzat in Nghalimlui hi an thutchilh a, Central YLA hruaitute pawn an President Pu J.Sangthangpuia hovin an kal
Tags
News