Zirlai ten College a thawk te an dang

Nimin khan Govt Lawngtlai College a Asst. Proffessor pahnih sawn chhuah hnu ah, an aiawh dah an nih loh avanga lungawilo in, College Students Union chuan College a thawkte an dang.
State Sorkar chuan Govt Lawngtlai College-a Asst. Professor pahnih Pu Lalrammawia Khawlhring, Economics Dept. leh Pu  M. Lalramdina, Dept of Pol Sc. te chu hmundangah a sawn a, an hmunruak hi  hnawhkhah a nihloh avangin, College Students Union chuan Mizoram Sorkar hnenah  lehkha thehlut in,  sawnchhuahte hmun ruak  hnawh khat tur leh midang dah an nih loh chuan Order hnuk kir turin an ngen a, an ngenna hian awmzia a neilo a an hriat vangin   tiamchin awmlovin  College a thawktute an dang.
Govt Lawngtlai College ah Economics Dept. Zirtirtu pali an awm laiin, Minimum Teaching Staff nei kim vek Govt Saitual College ah Pu Lalrammawia Khawlhring chu dah anih thu leh, Minimum Teaching Staff nei kim reng chunga an dah lui chu Lawngtlai College thamlohna ni a an hriat thu an sawi a, Pu M. Lalramdina, Deptt Of Pol Sc. chu Govt Lunglei College ah sawn niin, Lunglei atanga  sawnchhuah, Pu M. Lalramdinan a thlak tur nia an hriat chu Sawrkarin a dah let sak leh tawh chungin, Pu M. Lalramdina chu an sawn lui tho niin an sawi.