Zirlai pawl te ngenna Sorkar in a tihhlawhtlinsak, Picketting tihtawp nghal a ni

        Govt Lawngtlai Collge a Asst Profesor pahnih hmundang a sawn chhuah an nih vang a Lai Students’ Association ten Sawrkar an nawrna kalmek ah, nimin  khan Lawngtlai a State Sorkar Office te chu pisa kaithei lovin dang a, nimin tlailam khan Sorkar chuan Govt Lawngtlai College a Asst. Professor pahnih a sawnna chu a hnukkir a, nimin tlai dar 5:30 khan Lai Students’ Association Gen. Hqrs. leh Govt Lawngtlai College Students’ Union te chuan Picketting an neih chu an titawp

         Tarlan tawh angin Govt Lawngtlai College a Asst. Proffesor pahnih chu hmundang ah sawn an ni a, Sorkar in heng a sawnchhuahte hmunruak hnawhkhattur hian midang a dah loh vangin, Lai Student Association leh Govt Lawngtlai Collge Students Union te chuan Sorkar hnen ah ngenna thlenin, Asst. Professor a sawnchhuahte hmunruak hnawhkhat tur leh a hnawhkhatlo a nih chuan, Asst. Proffesor pahnih a sawnna Order hnukkir turin an  ngen a, an ngenna chuan awmzia a nei theih loh vang leh, Sorkar atangin thu engmah an dawn loh vangin, State Sorkar Office zawng zawng hi nimin atang khan hnathawktute pisa kaitur an dang.

          Mizoram Sorkar chuan  Govt Lawngtlai College a Asst Profesor pahnih  Lalrammawia Khawlhring Govt Saitual College a a sawn leh, M.Lalramdina Govt Lunglei College a sawn te chu an thawhna ngai Govt Lawngtlai College a awm tur in order a chhuah a, hemi hnu hian Zirlaipawl te chuan Picketting an neih chu an titawp nghal.

       
Lai Students’ Association Gen Hqrs. Lawngtlai leh Govt Lawngtlai College Students’ Union te chuan Sorkar in an ngenna a tihhlawhtlin sak vangin lawmthu an sawi a, Lawngtlai District tan a an beihna ah mipui thlawpna thatak an dawn vangin lawmthu an sawi a, an ngenna a hlawhtlin theih nan a beitu zawng zawng chung ah Zirlai pawl te chuan lawmthu an sawi.