Lawngtlai ah Krismas hmangturin inbuatsaihna hrang hrang kalpui mek a ni

     Krismas thlen nan karkhat chauh a awm tawh a, Lawngtlai ah chuan Krismas  chakkhai lam hmuhtur an tam tawhin, khawpui chhung pawh a lun viau tawh a, kumdang aiin, mipuiten Krismas bazar an tan hma in deuh in a hriat a ni.

          Kohhran hrang hrang te pawh hunpui lawmpuiturin an inbuatsaih chhoh mek a, Krismas thingla te pawh an awm deuh reng a, tunkar chauh hi inbuatsaihna hun a ni tawh vangin, Biak In leh mimal In, Krismas thlenna turte pawh chei mek a ni.

        Hunpui vuakvet ah boruak duhawmlo thleng palh thei vengin khawpui chhung a YLA Branch thenkhat chu zanlam ah an duty tan tawh a, Lawngtlai Police te pawh boruak thalo thleng tur vengin chhunlam bak ah zanlam ah pawh khawpui chhung  an fang deuh rengt bawk.

           

        A kumtelin Lawngtlai ah hian hunpui vuatvet ah miharsa leh chanhaite tanpuiin Pawl leh mimal chetchhuahna hriattur a tam chho deuh deuh a, kumin ah pawh hetiang lam hawi hi hriattur a awm deuh reng tawh a, a bikin Bike chesual a, an nu leh paten an thihsan Miriami te unau chuan District pawnlam atang pawhin Krismas thilpek an dawng deuh reng a, Kohhran thalai leh tlawmngaipawl ten Krismas urlawkna an buatsaih deuh reng bawk.