LADC Budget 2019-2020, lungrual takin nimin khan Passed a ni.

       
        Lai Autonomous District Council, thlasik thutkhawm tunthla ni 3 atanga neih chu nimin khan zawhfel a ni
Session tawp ni nimin  ah LADC, Chairman Pu V,Zirsanga kaihhruai ah kum 2019-2020 LADC Budget tlangpui      Chief Executive Member Pu T.Zakunga’n House ah sawi  in, Budget pass puiturin    Member te a sawm a, hemi hnu hian LADC Budget cheng Vaibelchhia 192, Nuai 53 sing 9 sang 4 chu lungrual takin passed a ni a, Budget pumpui ah hian  chhiah tling khawm atanga hmuh beisei chu cheng Nuai 120 a ni.
Kumin July thla a LADC Budget Session neih ah Sorkar rintawklohna Motion House ah putluh a nih vangin Budget pass theih a ni lova, thla 4 chhung zet Budget neilova LADC a kal hnu ah Budget hi nimin khan passed a ni ta a ni.
Tuntum LADC thlasik thutkhawm ah hian, House a chhantur zawhna lut a awm lova, Official Bill pakhat, Chainsaw Control & Regulations Bill, EF&CC changtu Executive Member in house a putluh chu passed a ni.