Nimin khan Lairam Gospel Centenary Hall, LIKBK Assembly Building, Lawngtlai ah World Vision India , Chhimtuipui Area Development Programme, leh Mizoram State AIDS Control Society te tangkawpin Advocacy on HIV/AIDS amongst community Leader hman a ni.
Dr S.Thaizi, Senior Medical Officer Lawngtlai chuan Mizoram hi HIV/AIDS vei tam lamah kan sang filawr hle a. sorkar, kohhran leh khawtlang hruaitute hi kan tanho a, HIV/AIDS laka kan thalaite an fihlim theihna turin thawhhona tha tak kan neih a ngai ani,a ti a. Lawngtlai District hi Free HIV/AIDS anih theihna turin a vei ve lo te hian tuna HIV/AIDS vei mek te hi theihtawp a kan thawhpui a ngai a. kan khawtlang ah rilru hahdam tak a, an awm theihna turin HIV/AIDS vei te hi a vei lo te hian kan thinhrik loh a ngai tawh tak zet a ni, a ti.
Pi Lal chhanzuali HIV Activist chuan HIV/AIDS te hi nawhchizuar leh inchiu thin te chauhin an vei turah ngai lo ila, kan ram zimte ah HIV/AiDS vei an pung nasa em em a. A kai tam ber te hi mipat hmeichhiatna atanga kai an nih avangin nu leh pa te pawhin kan fate Sex lama an hriattur tul leh pawimawh kan hrilh hriat pawh a ngai tawh a ni, a ti bawk.
Lawngtlai District ah kum 2016 September atanga kumin September thla thleng khan HIV positive 128 hmuchhuah a ni tawh a, nimin a hun hmanna ah hian VC, YLA, LWA, MJA leh MHIP hruaitute an tel.
Tags
News