Gov’t Lawngtlai College a Asst. Professor pahnih, an aiawhtur dah lova sawn an nih chungchang ah Zirlai pawl ten Sorkar ah ngenna siamin, an aiawhdah tur emaw, sawnna thupek suttur a an ngenna chu Sorkar in a tihhlawhtling ta hi a lawmawm khawp mai.Zirlai pawl te khan an tihtur diktak an ti in a hriat a, zirn lam a hmasawnna a awmtheih nan an theih ang ang in zawldawh takin an bei a, tharum thawhna leh mawilo taka chetna hriattur a awm miah lo te kha, zirlai naupangte an fakawm khawp mai.
Sorkar hian thutlukna a siam hmain a ngaihtuahchianglo ah ngai dawn ila, mithiam tak tak awm khawm, ram rorelna ah pawh, mipuiten an aiawh tur an thlan an ni a, mawlmang tak chuan thutlukna an siam lo ang tih chu rinngam a nih rualin, engatinge, nawrna a awm kher nghah a ngaih a, mipuiin an tawrhna a thlen hma khan thil a tihfel theih ngang lo a nih ngawt loh chuan, khatiang ang kha awm tawhlose a duhawm ngawtin a rinawm.
Hlawhtlinna a awmin, hmingthat hlawh te, sulsutu nih inchuh maite thilawmthei a ni, hetiang hi a puitlinglovin, a nihna tak ah chuan, a ngentu Zirlaipawl te nawr chhuah liau liau a ni a, hemi phen a hmalatu engemawzat an awm, an ni an fakawmlo e tih lam nilovin, Lairam tanrualna rahchhuah a ni tih hi pawm ila a fuhber in a rinawm.
Tags
Editorial