Lawngtlai khawpui hi a chhung a chengte ngei pawn dan palzutna, nunphung pangngai zawmlohna khawpui, Lawless Town anga sawi an awm fo mai, a tlawmthlak ngawt mai.
Mahni aia midang thazawk a ngaihna hi thinlung inngaitlawm zia a ni a, an mahni anga awm ve tumna neite hi mifing zia a nih laiin, midang hmutha a, mahni indahhniam a, chutatang a talchhuah tumna neilo te hi mikhawngaihthlak
, midangten an enhniam an ni thin.
Lawngtlai khawpui hi Sorkar atanga tihtur leh tihlohtur duansa tamtak chuan khawpui dang ang bawkin a awp reng a, Tlawmngaipawl leh Kohhran huang thlengin inkaihhruaina mumaltak a neiin, khawpui dang aia a neihthat zawk pawh a awm fer fur hial maithei. Heti chunga Lawless Town anga ngaiduh an awm thin hi vanduaithlak a, dan awmlohna ang hial a an ngaih thinna chhan hi, a chhunga chengten dan an pawisak lohvang a nih fo laiin, a chhung a chengte hi chuan Blackboard liantak hi, Chalk var chhunhan te tak te te hian a luahkhat theiin, chu chalk hmanga awmze tak a chei a nih chuan, a dum lai zau zawk mahse, a lang mawi em em thin.
Hawhu, midang mitmei vengin, mahni hmazawn chauh en lovin, nunphung kan zawhmek hi her hret ila, kan khawpui hi dan awmlohna pawh lo ni thut se, dan mamawhlo khawp a khawpui nuam ah kan siam thei ngei ngei ang.
Tags
Editorial