Editorial | KAN HLIMNA HIAN MIDANG TIBUAI LOSE

 Krismas leh Kumthar lawmtur a inbuatsaihna chuan a vawrtawp a thleng chho tan a, Lawngtlai Bazar pawh a lun tan tawh viau mai. Kohhran hrang hrang te pawh, hunpui lawmtur hian an inbuatsaih nasa viau tawh bawk.
A bikin thalai te, hunpui hmangtur hian a kumtelin, an inbuatsaihna hi a tla hniam hret hret em aw, a tihtheih a, heihian, hunpui kan lawmdan ah, an tan hlimna leh chhinchhiahtlak thildang a awm mumalloh thin vang pawh a ni maithei a, hetihrual hian, khap neuh neuh tam lutuk vang pawh a ni thei tho bawk a, heimi piahlam ah hian Krismas hlutna leh nihna  diktak hi Kristian ten kan hriatfuh tawk loh vang a ni thei bawk awm e.
  Engpawhnise, a lawmdan chu enghawi pawhnise, Kristian te tan a hunpuiber ah hian, a Kohhran zia ruih in kawthler boruak a kal thei vek lova, helai tak hi inven a pawimawhnalai chu niber in a hriat a, hlimtak a hunpui hmang duh theuh theuh hi, kan hlimna hian midang ah harsatna a siam chuan, hlimna awmze neilo, midang tana hnawksak mai a nihtheih vangin, eng hawi pawhin, he hun hi hmang pawh ni ila, midang hrereng chung a hman a pawimawh a,  mite tana harsatna siamlo zawng a hlimtaka hun hman hi zir teh vak ngai niin a hriat lova, hawihhawmna leh midangte ngaihpawimawhna atangin awlsam taka neih maitheih a ni.