DC in CYLA Hruaitute chawhlui a kilpui

Thawhlehni tlai khan Lawngtlai DC, Pi Shashanka Ala, chuan a chenna hmunah Central YLA hruaitute chawhlui a kilpui.

          Pi Shashanka Ala, in Central YLA hruaitute chawhlui a kilpui naah hian Central YLA hruaitute an kal tha hle a, Lawngtlai khawpui chhunga awm O.B te bakah Central Executive Committee member-te an tel tha hle a ni.

           Chawhlui kilho hma hian inkawmhona neiin District Bawrhsap chuan Central YLA nena thawhhona tha tak an nei chu lawmawm a tih thu sawiin Lawngtlai District tana hmasawnna tura ngaihtuahna leh tha leh zung seng zel turin Central YLA hruaitute hi a lo fuih a. Central YLA hruaitute pawh hian District Bawrhsap chu District hmasawnna tura YLA a thawhpuina zawng zawng avanga lawmthu hrilhin Lawngtlai District hmasawnna tur kawng hrang hrang an sawiho bawk. Central YLA hruaitute hian DC hi YLA General Conference 2020 neih tur puala buatsaih T-shirt an hlan a, Conference hlawhtling tak a awm theihna tura tan lakpui turin an sawm nghal bawk a ni.