Lawngtlai Dist. VC Association hruaituten CEM an kawm

       Nimin khan Lawngtlai District Village Council Association hruaitute chuan Pu T.Zakunga CEM, LADC Office chamber ah  an leng.

       

LDVCA te hian Aizawl a  Lai House-ah Village Council member te thlenna man hniam zawk a siam danglam anih theihna turin CEM hnenah ngenna an thlen a. Pu T.Zakunga chuan Village Council member te hi ram leh khawtlang tan hnathawktu tak tak in ni a. Lai House a thlenna man hniam zawk a thlenna man tih hniam hi thil awm tak a ni a. Executive Meeting hmasa ber ah kan lo ngaihtuah ang tiin LDVCA hruaitute a lo hrilh a Village Council te tan Office mumal zawk a awm theihna tura ruahmanna an siam thu pawh a lo hrilh bawk.

        Pu T.Zakunga chuan Village Council Member chu sorkar in a ngaihpawimawh thu a sawi a. Pu H.Chhuawma Executive Member i/c LAD etc in a ngaihpawimawh em em Village Council member te tan chawlhna hmun tur Association tan an buatsaih thu LDVCA hruaitute hi a lo hrilh bawk a. VC te tan room an buatsaih Planning & Development Building Office hnuai pawh LDVCA hruaitute nen an enho nghal in, siamthat ngai te en ho in Kumthar a luah thei turin ruahhman siam nghal a ni.

       Pu H.Chhuanawma EM i/c LAD etc pawhin VC te District Council an rawn dawr chang a, han thu hahchawlhna tur an nei mai lo thin chu pawi a tih thu leh a ngaihpawimawh thu sawiin, tun sorkar hian an tan chawlhna hmun tur a ruahhman sak chu lawmawm a tih thu a sawi bawk.