Kumin July 29 ah No-Confidence Motion, House a putluh a nih vangin, LADC ah budget pass theih lohvin a awm a, sorkar a buai chho zui a, tun thlengin budget nei lovin Council chu a kal chho a, Court lam ah thubuai hrawl tak tak pahnih chai chhoh mek a ni bawk nen, LADC hmalam hun hi, rindan insawisiak tih mai loh chu engmah hi a la chiang hlei theilo.Hetihlai hian LSA chuan mipui te innghahna ber, Council in budget a pass theilo chu veiin, thlasik thutkhawm ah pass a nih ngei theih nan hma an la hi a lawmawm mai piahlam ah, hetiang a zirlai ten ram dinhmun an vei a, an theih ang tawk a aw an chhuah hi a lawmawm khawp mai.
Ram inrelbawl a kal her deuh ni a an hriat vangte, roreltute chetdan chu mipui tan a fuhlo ni a an hriat vang te in, khawvel hmun hrang hrang ah Zirlaite hmalakna hriattur a awmfo a, Mizoram chu sawiloh, Lawngtlai ah pawh helam hawi hi hriattur a awm thin.
LSA ten MDC te an ngenna hi, ngenna a nih rualin, ngenna satliah a nilovin,an duhber chu Budget pass a ni a, chu chu tihlawhtling turin MDC te hi an phut a ni ber a, ram hruaitute hi Budget a mumalloh a ramin a tawrhdan hrechiangtu ber te an ni a, LSA ngenna hian awmzia a nei ngei ngei in a rinawm a ni.
Tags
Editorial