Mawitaka kawthler chei a ni thin hian Krismas hi a ti krismas riau in a hriat a, midang thinlung ah hunpui hian thuk zawkin thu a sawi thin a, heivang hian kum engemawzat chu a bikin khawpui lam ah kawthler leh hmun remchanglai chei hi uar chhoh a niin, heihi khawpui dang ah pawh entawn chhoh a ni a, a lawmawm ah ngai ila.
Hetiang a nih mek lai hian, kawthler chei hi, a thawktute thasen telmiahlo pawh in, a hmanrua ringawt pawh sum tamtak senralna a niin, veng bil emaw a duhthusama chei phei chu tlin chi niin a hriat loh.
Kawthler chei ai chuan, tanpuingaite tanpui a tha zawk tih hawi zawng a inhnialna pawh hriattur a awmchho leh tawh a. Chei hi a tha a, midang tanpui pawh a tha, a pahnih a tihtheih phei chuan a tha leh zual in a rinawm. A pahnih a tihtheih a nih loh chuan, hmalatuten an ngaihpawimawh zawk an kalpui chu sawinawi theih a niin a rinawm loh.
Kawthler chei hautak lai tak hi, Lawngtlai dinhmun ah chuan thil harsa a nihna chen a awm, hetiang ah hian State leh LADC hian kalphung mumal zawk nei thei se, kumtinin, an theih angin chei mai thin se a zangkhai thlak viauin a rinawm.
Tags
Editorial