Anti-Ragging Committee,ANM School, Lawngtlai ten School dinhmun an thlir.

         Supreme Court  chuan ramchhung a Zirna In ah, zirlaite chung ah hleilenna (Ragging) a awmloh nan a hmala turin Anti  Ragging Committee din tur a ti a, chu Committee chuan Ragging a awmloh nan a hmalakna kalpui tur a tih angin, nimin khan   Auxiliary Nursing Midwifery ANM School Lawngtlai a Anti Ragging Committee chu an Chairman Pi C.Rothangpuii, Principal ANM School Lawngtlai hovin an thukhawm.

           Committee ah hian ANM School Lawngtlai a Zirlai hruaitute chuan an school ah an zirlaipui te rilru leh taksa lam ah tihduhdah tuar an  awm ngailoh thu an sawi a, Zirlai nu leh pa aiawh atang pawhin an fate atangin hetiang lam hawi engmah an hriatloh thu an sawi bak ah, Journalist te pawn, Ragging a awm an hriat loh thu an sawi bawk.

           Nimina Anti-Ragging Committee, thukhawm chuan, zirlaiten an zirlaipuite lak ah tihduhdah na an tawrh leh tawrh loh chu nguntaka enzui reng nise an ti a, tun dinhmun ah hetiang lam chi a awmloh vang a lawmawm an tih thu an sawi.

           

ANM School Lawngtlai hi kum 3 a upa niin, tun din hmun ah Health Worker zirlai Hmeichhia vek 40 an awm mek.