Central Young Lai Association hruaitute chuan Chief Minister, Pu Zoramthanga kawmin, Lawngtlai District leh Young Lai Association mamawh hrang hrang te an thlen a, Chief Minister chuan Central YLA te thuthlen chu a theih ang ang a lo bawhzui a tum thu a sawi
Kar kalta chhung khan Central YLA hruaitute hi an President Pu J.Sangthangpuia hovin, Chief Minister bak ah, Sorkar hotute dangte dawrin Aizawl ah an kal a, Central YLA hruaitute hian Chief Minister, Pu Zoramthanga hnen ah, Lawngtlai-a Sorkar Department hrang hrang ah thawktu an indaihloh chungchang te venhim hna thawktu Police indaihloh vanga harsatna thleng te, Sangau RD Block huamchhung a, Saisihchhuaha Myanmar leh India insumdawn tawnna tur kawngpui laihtlang thuai tul an tih thu te an thlen a, Chief Minister hian Central YLA ten a hnen a an thlen chu thilpawimawh tak tak ni a a hriat thu leh, a tul anga lo bawhzui a tum thu a lo hrilh.
Central YLA hruaitute hi Lawngtlai East Bialtu MLA Pu H. Biakzauva'n Sorkar an dawrna tur a tul pawimawh te buaipuiin a ma ho hian Chief Minister pawh hi an dawr a ni.