.jpg)
Khawpui fai inelna ah Lawngtlai dinhmun hi a chhuanawmloh thin viaua, hmalakna a awmloh vanga failo a nilova, hmalakna hian mipui thinlungah fai duhna a la tuh tawkloh vanga failo a nihna lai a tam awm e.
Mak deuh mai chu Aizawl leh khawpui danga Car manto tak tak atanga Tui bur ruak leh nepnawi eina bawmruak, khawlaia paihmai duh miahlo khan, Lawngtlai, keimahni khawpui ngeiah kan paih hreh miahlo hi a ni, hetiang mite hian an khawpui an hmuhsit zia an tilang.
Fai tur hian midang phut chiam chi a nilova, mahnin fai duhna thinlung neih a pawimawh, Sorkar leh VC leh NGO te pawn hmalakna hi an kalpui nasatna pawl tak a nih a rinawm, Lawngtlai hi. Hetihlaia Faina lama a hnufum tlat mai hi chu mipuiah fai duhna a la intuh tawkloh vang a ni tih a chianga, Lawngtlai khawpui a chengte hian khawpui hi neitu thinlungpu a an enkawlloh vang a ni bawk.
Khawpui fai neitur hian thapui thawha beihchiam pawh a fuhber chuanglo, hmalakna chu hunbitiam leh kar leh thlabik neia kalpui chi a nilova, englaipawha faitura hmalak reng ngai a ni a, chu chu Lawngtlai a chengte hian kan tlin a, kan tumloh vang maia faina lama hmasawn chaklo hi kan ni.
Heilo hi khawpui dang kan neilo a nia, kan khawpui hi hmangaihna nen enkawl ila, faina lama hmasawnna pawh hmuhtheihin a awm thuai ang.