Vawiin hi Lawngtlai District a Hmeichhe inzawmkhawm pawl lianber, Lai Women Association Day vawi 28 na a ni a, L.W.A Branch hrang hrangte chuan an theih ang tawka ropui leh tangkaiin an day hi an lawm.
Lawngtlai khawpui chhunga Lai Women Association Branch te chuan awmnikhama hun hmangin an day hi an lawm a, infuih thar nan leh intihhlim nan, Member te inpawh tlan nan te hun hmangin, Pi B.Malsawmtluangi Additional DC, Lawngtlai chuan LWA Bazar Veng Branch ten LWA Day an lawmna hmanpuiin, hmeichhiate pawimawhna hrang hrang a sawi a, Lawngtlai-III bialtu MDC Pu T.Lalengmuana chuan LWA In Electric Veng ah a hawng a, LWA Gen Hqrs hruaitute chuan a remchandan angin Branch hrang hrangte an tlawh kual bawk.
LWA Branch engemawzat chuan midang tana thiltha tih nan an Day chu hmangin, khawlai thenfai hna te thawkin, ruai nen a Day lawm pawh an awm nual.
LWA Day hi Lai Autonomous District Council chuan Sorkar chawlh atan a hmanlai a nih vangin LADC hnuaia Office leh zirna In te khar vek a ni.
Tun dinhmunah Lai Women Association Gen Hqrs Lawngtlai hnuai ah Sub Hqrs pali, Branch 78 awmin Member singkhat vel an awm mek.
Tags
News