Lawngtlai District Students' Association chuan,LADC hnuaia LADBSE CEM's Best Teacher Award dawngtu mi pahnih Pi.L.Vanchhawng (Model English School) leh Pu.F.Lalrambeiseia (Headmaster Mampui Primary School-I) chu lawmpuina thuziak an hlan.
Pi.L.Vanchhawng LADBSE CEM's Best Teacher Award (Middle School) dawngtu chu Dt.20.4.2024 khan, LDSA te chuan a chenna in Lawngtlai New vengpui ah, he award a dawn lawmpuina thuziak hi an hlan a. He hun hmanna ah hian Pi.L.Vanchhawng chuan Best Teacher Award a dawng thei chu a lawm thu sawiin, LDSA ten Best Teacher Award a dawn avanga lawmpuina thuziak an hlan chu, zirlai pâwl an nih anga zirtirtu an chawimawina ah lawmthu a sawi bawk a ni. LDSA Secretary Gabriel Zochhawna chuan he hun hmanna ah hian Pi.L.Vanchhawng chu zirtirtu entawntlak a ni tih sawiin, a hun taka school kala, a hun hma a haw ngailo anih thute leh, school naupangte tana inpe zo tak a nih thu sawi bawkin, LDSA aiawhin lawmpuina thuziak hi a hlan a ni.
Pu.F.Lalrambeiseia LADBSE CEM's Best Teacher Award ( Primary School) dawngtu chu LDSA te chuan Dt.21.4.2024 khan a chenna in Mampui khua ah award a dawn lawmpuina thuziak hi an hlan bawk a. He hun hmanna ah hian Pu.F.Lalrambeisei chuan, Best Teacher Award a dawn chu Pathian malsawmna leh a thawhpuite tawiawmna avang anih thu sawiin, LDSA in zirlai pawl an nih anga lawmpuina an hlan chu phulo a intih rualin, lawmawm a tih thu a sawi bawk a ni. He hun hi LDSA President Pu.F.Lalkulhchungnungan kaihruaiin, LDSA Finance Secretary Stephen K Vanlalfakawma bakah, Samuel Laldawngliana leh Lalramenga Vanchhawng te he hun hmanna ah hian an tel bawk a ni.
Tags
News