Editorial || NUNGCHA HUMHALH HI.

Tunlai hian Bazar lamah Savarep, Sarep hi leitur a la awmfo em aw, engemawchang chuan In lam a zuarkual pawh hi tawnfuhtur an awm leh zeuh thin a, eizawnnan a hmangte pawh an nih a rinawm a, kan eizawndan hi a inthlak choh loh chuan heng nungcha hmanga eizawngte hian an sim mai a rinawmloh a, nungcha tawlhruk thlengin mantur a awm chho thin a nih hi.

Nungchate, thing lei mau te hi mihring tello hian an awmthei a, Mihring hi heng tello hian kan damkhawchhuak theilo thung.

Tunhnaiah Lawngtlai District a Youtuber pakhat chuan Sangha an bomb lai a rawn dahchhuak mauh pek a, thuneitute beng a thleng nghala, Central YLA pawn a ngaihven rang khawp mai, a lawmawm takzet.

Mipuiin kan hmuhpuilohva nungcha dan kalha tihhlum hi a tam hle ang tih erawh ring ngawt phawt ila, a huhova bawha, tanlak chiam hleitheih a nilova, helam hawia hmalatute hian mimal thlengphak zirtirna hi uar zawka an kalpui a tula, ngaihhnathiamna awmlova dan bawhchhiate pawh hrem an nih hian awareness thatak a ninghal tihte pawh thil chiangsa a nih a rinawm.

Tunhmalama tullo kha tunah tul tamtak a awm a, mihringte hmakhua ngaia dan reng reng hi zam a ni a, nungcha humhalh a, hmangaihtak viau lam aiin, mihringte damkhawchhuah nante, siamtun duhtaka a siam an nihna atangten tute pawn nungcha humhalh hi ngaihah kan neiha, kan nunpui a tul khawp mai.