Nl K.Lalenmawii, LWA Electric Veng Branch ten chawimawina an hlan.

        Zanin Pathianni zan  hian Lai Woman Association (LWA), Electric Veng Branch Lawngtlai ten Nula K. Lalenmawii an veng chhung mi, zirnaa   hlawhtling chawimawina hun an hmang.

        Pi K. Zadawngi'n fuihna thusawiin, "A theihna zawng zawnga kohhran a ni emaw, a zirna a ni emaw inhmang mi a ni a, Pathian hre mi, rinawm taka Pathian rawngbawl mi a lo nih thinnate a hun takah Lalpan a hruai a, hlawhtlinna a  chantir a ni, a ti. Pathian tihna nun nena kal zel turin duhsakna a hlan a, a zirna DIET a D.EL.ED Exam-ah Mizoram pumah pasarih -na hial a thleng thei chu alawmawm tak zet a,    ram leh hnam tan thil ropui tak   a ni, a ti bawk.

        Nula K. Lalenmawii chuan   hlawhtlinna a chang chu, a bul berah chuan Pathian a ni, a ti a, a  zirna-ah harsatna a tawh thinah amah fuihphur a, tanpui a ngaihna zawnah tanpui thintute chungah lawmthu a sawi a,  a rinphakbaka LWA ten chawimawina an hlan chu a lawmtakzet tih a sawi.

        He hunah hian, Pi Vankungpuii LWA President Electric (Veng) pawn thusawiin, "Pathian rawngbawl chu hlawkna vek a nih thu te, Mimi chu Pathian hre mi, nungchang tha tak mai a nih thu te sawiin, chawimawi tlak LWA in Nula K. Lalenmawii (Mimi an nei chu an lawmpui tak zet thu a sawi, LWA ah finchhuah an ngaihnaa finchhuah a tawiawm zel turin a ngen nghal bawk.