South Lungpher khaw lal, Pu Hmungduna Chinzah kan chan ta.

     Lal lo ni tawh, Mizoram a la dam  tlemte  zinga mi, South Lungpher khaw lal, Pu  Hmungduna Chinzah chu nizan dar 11:00Pm khan kum 91 mi niin South Lungpher Lawngtlai District a an In ah a thi. 

        Pu Hmungduna Chinzah hi Lai lal ropui Dokulha (Andaman and Nicobar Islands Jail-a a thih thlenga tang ta.) Fapa Pu Suichhuma Chinzah tupa a ni. 

        A pu Suichhuma Chinzah (L) South Lungpher khaw lal chu kum 55 a nih in, kum 1944 khan a boral a, a aiawh tura beisei, A fapa Thanhulha Chinzah, Hmungduna Chinzah pa chu kum 1938- ah a boral tak  avangin South Lungpher lal nihna chu kum 1944 atangin Bawrhsap chuan Hmungduna Chinzah kutah a dah ta a, lal a nih tirh hian kum 13 mi chauh a ni. A hun laia Bawrhsap hnenah kalin,  'Ka pu, ka puitlin hma chu ka Pi leh Khawnbawl upa ten ro an rel ang' tiin Bawrhsap a hrilh a, a pi  pawhin, a tupa Hmungduna Chinzah alo puitlin a, rorel thei anih hma chuan Pasal nei lova tul pui turin a intiam ve bawk a, Bawrhsap pawh a lawm hle nia sawi a ni. Kum 1956 april thla ah, The Aquisition of Chief Right Act 1954 hmangin, lal dangte ang bawkin South Lungpher lal a nihna atanga chawlhtir a ni. 

        Hmungduna Chinzah hi kum 1954 ah Lungtian lal fanu Lalnguri Chinzah nen innei in, kum 1958 khan PL  Regional Council Member atan thlantlin alo ni tawh  a, South Lungpher Middle School ah hun rei tak Headmaster niin, a pension thlengin a thawk  a, fa 12 neiin tu 83 hmel a hmu hman bawk. 

        Pu  Hmungduna Chinzah ruang hi vawiin khan vuiliam a ni