Lawngtlai District mi leh sa state pawn atanga lo haw leh positive close contact, government quarantine facility leh home quarantine-a khung hran mek zat chu vawiin tlai dar 5:00 thleng khan mi 175 a ni a. An zinga mi 54 chu facility quarantine niin, mi 121 chu home quarantine an ni.
Nizan lamah state pawn atangin mi 5 lo thlen belhin, Medical Quarters-ah dah an ni a. Medical Quarters atang vek hian vawiin khan khung hran hun bi hmang zo mi 16 chhuahtir an ni thung.
Zoram Medical College (ZMC)-a RT-PCR test tura Lawngtlai District atanga swab sample thawn tawh zawng zawng 1335 chu a result hriat kim tawh a ni a, Lawngtlaiah TrueNAT hmangin sample 145 leh Rapid Antigen Test hmangin sample 57 endik a ni ve tawh bawk a. Tun dinhmunah positive case 40 hmuh chhuah tawh niin, dama chhuak 30 an awm tawh a. Enkawl lai 10 zinga 1 chu ZMC-ah enkawl niin, a bak mi 9 chu Lawngtlai CCC-ah dah an ni.
👍👍👍
ReplyDelete