Nizan zanlai pelh hret khan Lawngtlai Chandmary Venga Pu Ainehliana Building, chhungkaw hnih in Dawr bungraw dahna Kudam atana an luah mek chu a kang a, Cheng nuai 40 hu bungrua a kang chhia.
Kangmei a chhuak tih hriat anih hian Vengchhung mipui tlankhawm nghalin, Fire Department pawh hrilh nghal an ni a, Kangmei hi a nasat hman avangin thelh mih mai theih anih loh laiin, hmundang kangkailo in an thelh mit ani. Building neitu Pu Ainehliana chuan Kangmei hi Electric Current kal sual vanga chhuak anih a rin thu a sawi a, Kudam atan a luah mektu Pi Vanlalruati chuan kangmei chhuah chhan chu a ngaihna a hriat loh thu sawiin, Bungrua an ngah lai tak anih thu leh Cheng Nuai 20 man vel a kan chhiat thu sawiin, an Kudam lehlam chiah luahtu Pi Mary te bungrua pawh Cheng Nuai 20 man vel a kan chhiat thu a sawi a, a vaiin Dawr bungrua hi Cheng nuai 40 man hu a chhia niin a sawi.
Kangmei a chhuak tih a hriatin Lawngtlai Bawrhsap Pu Donny Lalruatsanga chu kangmei chhuahna ah hian a kal nghal a, Kangmei tuartute a tawrhpui thu sawiin, Kangmei chhuahna chhan uluk taka chhui anih tur thu leh Sawrkar atanga tih theih an neihte enzui anih tur thu a sawi.
Tags
News