20 Assam Rifle leh Indian Army ten Sekulh lui ah Thir Lei an dawh.

Lawngtlai District chhung, ramri a chengte chetvelna a awlsam zawk nan 20 Assam Rifle leh Indian Army te chuan Zochachhuah bulah Sekulhlui ah Thir hmangin lei an dawh

He Lei dawh hi  Lawngtlai District chhimchak leh Chhimthlang lam a khaw tamtak ten an chhawr tangkai hle a, Lawngtlai atanga Parva leh a chhehvel khua kalpawhna thatak niin, helai tlangdung a khua mipui ten an tangkaipui hle a ni.

Fur ruahtui a tlak chuan Lei mumal a awm loh vangin inkalpawhna ah harsatna a thleng nasa thin a, Assam Rifle leh Indian Army ten Thir Lei an dawhkai takah chuan Furpui lai pawn inkalpawhna ah harsatna thleng tawhlo tur ah ngaih a ni.

Lei dawhna hmanrua hi Myanmar ramri a Lei hlui tawh hmanrua hman a ni a, uluk leh rintlak turin thuamthat a ni

Assam Rifle leh Indian Army te hmalakna vanga Lei thatak mai Sekulh lui ah dawhkai a nihtak vang hian he Lei chhawrtangkaitute chuan  lawmthu an sawi a, harsatna an tawh thin sutkian a ni chu an tan hmasawnna rahbi thar a nih thu an sawi.