State Day ah a huhova Pathian faka chawimawiin, ram tan tawngtai a ni.

Vawin State Day puala rampum huap Tawngtai rualna chu Lawngtlaiah pawh buatsaih ani.

Rampum huap Tawngtai rualna neih hi District Level Steering Committee leh Lawngtlai Prayer Fellowship te tangdun in an huaihawt niin, Central YLA Playground ah neih ani a, Kohhran hrang hrang atangin mi thahnem tak an kalkhawm ani.

He Programme hi hun thumah then niin, Upa C.Thankila,Vice Chairman.Lawngtlai Prayer Fellowship chuan  a kaihruai a. hun khatna ah hian Rev.Chatuanlalreia Langva, Chairman,Steering Committee chuan Pathian thuchah a sawi a, hun hnihna ah Rev. Dr.H.Lalthlamuana,Adviser, Steering Committee in Pathian thuchah sawi bawkin, hun thumna ah Rev.Chuangsangvunga, Vice Chairman, Lawngtlai Prayer Fellowship hnen atangin Pathian thuchah ngaihthlak ani bawk.

He hunah hian LIKBK Assembly Choir, BCM.Lawngtlai South Pastor Bial zaipawl leh LIKBK AOC Pastor Bial Zaipawl ten Pathian fakna hla an sa a, Thupui pathum Sual thupha chawina leh ngaihdam dilna tihte, I ram lo thleng rawh se ram roreltute nunah tih leh I ram lo thleng rawh se Kohhranah tih thupuia hmangin kalkhawm ten Tawngtai rualna an nei ani.