Laifate Kut ngaihhlutber, Hlukhla chu Central YLA Playground ah hman mek ani.

Laifate Kut ngaihlut ber, Hlukhla chu Central YLA Playground, Lawngtlai ah hman mek ani.

Hlukhla Nikhatna ah Kut thlengtu LADC a Executive Secretary Pu K.Lalthanzara chuan hlimtaka kut hmangturin mipui a sawm a, Pi leh Pu hun a Hlukhla Kut hman thin dan tlangpui a sawi.

Kut Pa, Lai Autonomous District Council a Chief Executive Member Pu V.Zirsanga chuan ram mipuite Hlukhla kut chibai bukin duksakna a hlan a, hnam ziarang a boloh nan Hlukhla Kut chawinunzel chu LADC Sorkar pawhin a ngaipawimawh hle a ti a, Laifate nunzemawi hi Kristianna nen a inkalhlohva, a inhnerem em em zawk a, heng hnam ziarang humhimna a hmalaknaah hian Kristian nun zemawi nena inremlote kalsan ila,   chunglam malsawmna pawh ram leh hnamin a dawng ang a ti. Pu V.Zirsanga chuan Kut ropui taka hmanna chuan ram mipuite hmalam thlira, ram leh hnam hmasawnnan kepen thar tirtu nise a duh thu a sawi bawk.

Hlukhla Kut ah hian rampum huapa zaithiam lar leh tualchhung zaithiamte an zai a, chawimawitlakte chawimawina hlan niin, hnam lam hrang hrang bak ah hnam infiamnate pawh neihtura ruahman a ni.