.jpg)
Ruihhlo in Mizoram a chiahhneh zia chu sawinawn ngailova hriatsa a nih rualin, vawiin hian nang leh i chhungkua a him a nih pawn, i kawngkabulah ruihhlo chuan nang leh i chenpuite a chang reng che tih pawmngam a hun tawh.
Sorkar hmalakna chu thuhrannise, hmalatur a hlawhneia chhawr an ni a, an hna an thawk a ni mai a, a thlamuanthlak takzet.
Hetihlaia Central YLA in DRS dina hma a lakna erawh hmuhtet theih a nilova, an hmalakna hrechiangturin a chhunga luhchilh a ngai lemlo, ruihhlo an man thin thenkhat Social Media an tarlan atang hian, hetiangzat an man chuan, manloh engzatnge awm ang tiin chhut ila, hetia ngaihtuahthiam ai hian Lawngtlai khawpui pawh hi a bikin Heroin hian a chiahhnehzia a hriat ang.
DRS ten ruihhlo an man neitu zingah Venhimhna thawktu Police an tel leh nawlh thin hi a lungchhiatthlak zual. Zungawlvei chu tuman Gate veng atan an duhlovang, Rukru chu tutemahin an sumbawm vengtu atan an ruai hauh lovang.
Kan Police te meuh pawh Heroin laka fihlimlo, DRS zawkten an manchhuah an awm leh zeuh thin hi a vanduaithlak zawnga ngaihtuah phei chuan vanduaithlak tak a ni a, Sorkarin an laka hma a lakzuidan erawh hriattur a awm zuilo hian mipui ngaih a tithalova, puanzar tullovah Sorkar in a ngai nge ni a, kawng hrang hranga mipui venghimtu zawk te an fihlim silo hi veitham a tling.
Kohhran hruaitu zingah ruihhlo ngawlvei awm tase kan demrawn luai luai ang, kan Police te leh zel hi chu Lawngtlai District a an awmchhung chuan Thalaite hmalam hun thlirchungin ruihhlo buaipui hi sim teh se tih hi mipui ngaihdan a ni ang
Sorkar pawh hian hetianga fihlimlo hi chu District hnufual leh mahni pawh la inveng thiamlo, mahni thiamdan dana ram leh khawtlang himnana hmalakna kalpui naw naw a nihna hriatsak chungin rawn dah tawhlo hram se tih hi Central YLA duhdan pawh a nih a rinawm.