Horticulture Department hnuaia PMKSY Scheme, Micro-irrigation Per Drop More Crop (PDMC)a beneficiary hnathawk thazual thlan khawm mi 9 te leh an kawppui te chu Delhi a Republic Day 26th January 2024 function chhim turin Special Guest a thlan an ni.
Nodal Officer, Pu L. Lalhmingmawia Pachuau, Additional Director, Horticulture Deptt chuan nimin khan Mizoram aiawha loneitu thlanchhuahte hi New Delhi a panpui.
Vawiin khan Subramanian Hall, IARI Pusa Campus, New Delhi-ah loneitu state hrang hrang atanga kalkhawmte chuan training leh inhmelhriatna hun an nei a, sorkar laipuiin loneitute tana hmalakna hrang hrang an kalpuite inhrilhfiahna hun an hman bawk.
Pu Arjun Munda, Union Minister of Agriculture & Farmers Welfare and Tribal Affairs chu he programah hian khuallian ani.
Naktuk chawhma lamah Republic Parade an va chhim anga, chawhnu lamah Union Minister-te nen an inkawm ang.