Missionary Day urhsun leh uar takin Lawngtlai ah hman a ni.

Kum 1894 January ni 11 khan  Sap Upa leh Pu Buanga (Rev. F.W Savidge leh Rev J.H Lorrain) ten chanchin tha hril tura Mizoram anlo luh ni chu kumtinin  Missionary Day atan an hman  thin niin, vawiin khan   Lawngtlai District chhungah pawh  Missionary Day hi urhsun leh uar takin hman a ni.

Lawngtlai khawpui ah chuan  Kohhran hrang hrang ten chawhma lamah inkhawm  neiin  thusawitura ruat ten ‘Kohhran te Thupui Chanchin Tha Hril’’  tih hmangin Pathian thuchah sawiin, chanchintha hril chu ringtute hnapuiber, Lal Isua’n amah zuitute tihtur pawimawh bera a dah a nih thute sawiin, Missionary hmasate vanga Mizo ten Chanchintha an dawn vanga hmasawnna hrang hrang an neih leh  malsawmna a thlen nasat dan te sawilan a ni.

Chawhma inkhawm banah pathian fak a zaikhawmin hun hman chhunzawm niin, tlailam ah ruai nen Missionary Day hi hman chhunzawm a ni a, zanlam ah pawh Missionary Day pual hian hun hman chhunzawm a ni ang.

Pu Buanga leh Sap Upa te hi High Gate Baptist Church, North London Member niin, Arthington Aborigine Mission tirh a chanchintha hriltur a lo kal an ni.

Hetihlaihian, Mizoram Prebyterian Kohhran te chua   Vawiin January Ni 11 hi Presbyterian Kohhran Din Tan Ni atan hmangin chhun lamah programme hranpa an siam lova, zanin hian Pathian Biak Inkhawm annei thung dawn ani

- Lalremruatfela