.jpg)
Lawngtlai hian DC a nei tam ta viaua, lawmtur nge lawmloh tur tihlam aiin, mithiam leh tha tak tak DC an ni thin hi District tan a vanneihthlakna lai a tamin a rinawm.
Tunhnai chhovah DC inthlak a zing zuala a, mipangngai chin tan chuan a chhan hriatsa a ni a, tualchhung tawng ngeia biaktheih te chu District mipui pawn an thlamuanpuiin an tangkaipui zawk tih pawh a chiang awm e.
DC atan MCS pawh an lo awmfo tawh a, mipui hmakhua ngaihna vangin Sorkar chuan Mizotawnga biak theih ngei an dah thin niin a langa, IAS indaihlohna vangte pawh a nitel tho awm e.
Tunhnaia DC siksawi leh rawn awmtura ngaih awm talova midang rawn dah leh tak chungchangah Social media lamah Sorkar in Lawngtlai District hmusit tabik riau anga ngaihtheih zawnga thu ziak hmuhturte a awm chhova, District hmangaihna atang veka chhuak a nih a rinawm a, a lawmawm lamah ngai ila, hetihrual hian DC atana an dahturte hian Lai hnam tan eng pawinge an sawi a, District hmuhsitna lam hawia hmalakna an neih tih pawh hriat awm chuang silova, Sorkar chuan hmusit leh dahhniam ta bik riaua inngaihna awm thin hi a puitling zia lem lovin a hriat a, ni a inngaih tlatna hi tlansan thiam a tul in a rinawm.
Tutepawn DC hna rawn chelh se District mipui ten an thawhpui that chuan tutemah hi an sual ngawtlo ang tih ring ila, Sorkar pawn nguntaka thlirin dan hnuaiah thaber tura ngaihin hma an la ang tih pawm bawk ila a hanhdam thlak awm e.
District mipui tana thalo na na na chu mipui hlawhfa an ni a, mipui bawkin thuneihna pawh liantak an nei em em ang tih i ringngam teh ang u.