.jpg)
Court chuan thutlukna siamin LADC huamchhunga mi engemawzat thiamloh a chantir a, vawiin lamah hrem an nihdantur pawh puan tura ruahman a ni a, he thil hi engtia lo dawnsawntur nge tih pawh hriatthiam a harin, thiamloh changte erawh an lainatawm khawp mai.
Court in thiamloh a chantirte chungthu ah hian titi tam viau mahse, tun dinhmunah chuan tihdanglam theih niin a lang lova, a pawimawh ber zawk ah chuan,keiniho hi han chhui zau hreta in unau leh thenawm khawveng, ka chumi, ka khami inti tawn, veng leh khuate a inanloh vanga bai insuahtawnlo mai kan nihna lai a tam a, Court thutlukna kan chaizui leh sawizui duhdan ah pawh puitlin kan zir a tulin a rinawm.
Inchhungkhurah chuan thilthleng chu sawizui tur a ni teh meuh a, Social Media lamah keimahni leh keimahni kan inumzui lutuk ang tihte pawh a hlauhthawnawmna lai a tam a, thiamloh changte aia thabik chuanglo kan nifur tihte pawh pawm tlang ila, thilthleng hi a sawina hun leh hmun kan thliar thiam a tulin a hriat a, keimahni berin a darhzau zawng leh a inchhuihzui zawnga engmah kan tihloh na na na chuan he hnam ropuina hi miten an hmu ngei ngei ang.
Thiamloh changte hi va tana, tanloh lam a nilo a nilo a nia, kan sawilai hi. Mahni Inchhunga thil duhawmlo thleng puanzar chak zek zekte, demzui chiam emawte hi hnam fing zia a nilova, ngawih chuh thiam a tul a, keini berin kan umzui chiamloh hi a fuhin a rinawm.
Dan hnuaiah rorel a ni a, heihi a dawnsawndan kan thiam pawh a tula, midang chuan an duh chuan titituiber ah pawh neiin, Social Media lamah pawh an duh dan danin lo sawizui rawh se,kan khap theih an nilova,an zalenna a ni, keini ho erawh chuan kan va inrawlh ve chiam hi a tulna a tamlovin a hriata, thiamloh chang tawhte hi lainata, an tan chunglam auhsak te hi kan tihtur zawk a nih a rinawm. Chuchu hnam ang pawh a tihtur leh thilthaber niin a hriat.