Vote chhiar turin inbuatsaihna ngawrh taka kalpui mek ani.

Lawngtlai District a Assembly bial pathuma Vote tlate chhiarturin inbuatsaihna ngawrh taka kalpui mek a ni a, vawiin khan Counting Superviser leh Counting Assistant Superviser bak ah Counting Micro Observer te Training neihpui leh an ni.

Counting Superviser leh Counting Assistant Superviser tura ruatte chu chawhma lam khan DC Conferenvce Hall ah Training hi neihpui leh niin, an hna chanpualte kimchang taka hrilhhriat niin, hriatthiamloh an neihte hrilhfiah an ni.

Chawhnu lam ah Counting Mico Observer tura ruatte chu Pu Colin Hlycho, BDO, Lawngtlai chuan an hna chanpual te a hrilhfiah a, vote chhiarna a an mawhphurhna te chiang taka hrilhhriat niin, Counting Micro Observer atan hian thlaveng tur te nen mi 64 ruat an ni.

Bial pathuma vote tlate chu Govt. Lawngtlai College a  bial pathum tan a hran theuha Counting Hall ruahman ah chhiar a ni dawn a, Polling Station 70 awmna Tuichawng leh Polling Station 69 awmna Lawngtlai West a vote tlate chu dawhkan 14 ve ve ah chhiar a ni dawn a, Polling Station 42 awmna Lawngtlai East a Vote tlate chu dawhkan 11 ah chhiar tura ruahman a ni.