Autonomous District Council a Member pahnih, MLA ah thlantlin an ni a, heng MDC pahnih, MLA a thlantlinte hian an an dinhmuntur ah thutlukna an siamloh thu an sawi.
MDC nilai pahnih MLA a thlantlinte hi The Lawngtlai Post chuan bia in, Chakma Autonomous District Council a Chief Executive Member nilai MNF atanga MLA a thlantlin Pu Rashik Mohan Chakma chuan CEM leh MLA chu chelhkawp theih a nih thu a sawi a, Supreme Court thuremna behchhantur a awm niin a sawi a, MDC anihna leh MLA a nihna chu khawi zawk nge a chelhzui dawn tih leh nihkawp a tum leh tumloh ah thutlukna ala siamloh thu a sawi.
Lawngtlai East bial atanga ZPM atanga thlantlin, Lawngtlai Chanmary bialtu MDC Dr.Lorrain Lalpekliana Chinzah pawhin MLA leh MDC a nihna chu a chelhzui tur zawkah thutlukna siamthuai ngai a nih thu sawiin, tun dinhmun ah ngaihtuahna a la senglo niin a sawi a, Dr.Lorrain Lalpekliana Chinzah hian tukin khan Lawngtlai chhuahsanin Aizawl a pan a, thutlukna siamthuai a tum tih a sawi.
Nimina inthlanpui result puan ah khan Chakma Autonomous District Council a Chief Executive Member nilai Pu Rashik Mohan Chakma chuan Vote 13346 hmuin thlantlin a ni a, a mah hnaihber tu BJP Candidate Durjya Dhan Chakma chuan Vote 12695 hmuin an vote 651 in an inthlau.
Lawngtlai East biala ZPM Candidate Dr.Lorrain Lalpekliana Chinzah chuan Vote 10072 hmuin amah hnaih ber tu Vote 7971 hmutu Dy Speaker Pu H.Biakzaua chu vote 2101 in a hneh
Tags
News