LADC Thlasik thutkhawm Ni hnih awh chu vawiin khan tan ani.

Ni hnih awhtur Lai Autonomous District Council Thlasik thutkhawm chu vawiin khan Chairman Pu V.L.Hmuaka kaihhruaina hnuai ah LADC Session Hall, Lawngtlai ah tan a ni

Vawiin LADC Thlasik thutkhawm tanni ah hian hun hmasalam chu LADC a Member lo ni tawh mi pathum, Pu L.Hranghluna  Dt. 16.8.2023 a boral, Pu VL.Rema   Dt. 20.9.2023.a boral leh Pu F.Rohnuna   Dt. 19.9.2023 a boralte sunan hun hman a ni.

Chief Executive Member, Pu V.Zirsanga  chuan   ram leh hnam tana mi inpe thahnem ngai taka thawk thin sunna hun leh an chanchin sawi a ngaita mai hi pawi a tihthu sawiin an   chhungte an tuarpui tak zet tih a sawi a,  kan ram leh hnam tan leh LADC  Sorkar   hruaitu hlun leh nihna pawimawh tak tak CEM, Chairman, Executive Member mawhphurna lo chelh tawhte an ni a, LADC tan hian thil hlu leh chhinchhiah tlak tamtak an thawkin an hnutchhiah a ni a ti a,    an mahni atang  hian vawiin a rorelna dawhkan kilte hian zirtur leh entawn tur tam tak kan nei a ni a ti. Member dangte pawhin, an chanchin leh ram leh hnam tana an inpekna chanchin an sawi hnuin Minute khat chhung dingin sunna hun hman a ni

MDC lo nitawh chatuanram pantate sunna hun hman zawh hian zawhna leh chhanna hun hman a ni a, zawhna pali (4) awmin chhan vek a ni a, Session hi naktuk Zirtawpni hian chhunzawm a ni ang.